Харуусахуй

Харуусахуй

Хэрүүл ам хорлолын боолууд тоононд минь шүглэнэ
Хөнөөх хорсол хүслийн бурхадууд өрөөнд минь нүглэнэ
Завхай бурхад зальдан мэхлэгсэд үүдээр минь холхилдоно
Зоосон бие харанхуйн чөтгөрүүд цонхоор минь ширтэлцэнэ
Хатуу үгс хахир хоолой чихийг минь дэлсээнэ
Хүн болгосон хүмүүс минь хорсолдон шүтлэлцээнэ
Сархадын бурхад эцгийг минь эзэмдэн тамшаана
Саруул ухаан эхээс минь нүүр буруулан зугтаана
Үхлийн үнэн бодлыг минь гашилган зулгаана
Үнэмлэхүй жаргал дүүг минь хороон татчина
Үгээр бүтэх хэрүүл өрхийг чимнэ
Үзлээр бүтэх хорсол шалыг сэвтээнэ
Утгагүй үгс нь гэрээр холхино
Урам хугалах сэтгэл нь зүрхээр зүсэгдэнэ