Зүүдэнд зочилдог харц
Зөрөөд өнгөрсөн инээмсэглэл
Туяа татуулан тэнгэрт цэлмэчихээд
Тоос татуулан дурсамжинд мөнхөрнө

Өөр бус өдрүүдийн хуурамч дурсамж
Өөрт зовлон тарихаас өөр юмгүй
Өр зүрхэндээ мөнхийг олоод ч
Өөрчилж буцааж боломгүй өчигдөр

Маргааш өнөөдрөөр эхэлж өчигдөрийг зуравч
Магад сэтгэл дурсамж мэдрэмжийг дүрслэхгүй
Мөнхөд орших хуучирсан оромж
Мэргэдийн үгээр эзнээ хүлээн сахина

Салхи татуулан орж ирэх сүнс бүрийд
Саруул ухаан архинд мансуурж мэлтэлзээд
Сайхан амьдралын бохирийг хараана
Хутга хайсан сэтгэлд чөтгөр тушчихаад
Хуруу гараараа судсаа ханана

Үхэл цонхон завсраар ширтэн мишээгээд
Үнэ цэнэгүй орчлон ертөнцөөс аваад яваг намайг!